رصد المغرب /
انتخابات المجلس الوطني للصحافة، اللي المفروض تكون يوم عيد للصحافيين، مرت بلا حتى قرعة ديال الماء. بل لا ماء، لا أتاي، لا قهوة، لا حلويات استقبال.
تخيل معايا، صحافي جاي من آخر الدنيا باش يصوت، كيدوز ساعات فالطابور، تسجيل يدوي بدائي، معزل بلا قلم.. وفالآخر حتى كاس ديال الماء ما كاينش.
السؤال اللي هو مربط الفرس. شحال كان غادي يكلف المجلس الوطني تريتور صغير؟ – 500 قرعة ماء: 2500 درهم – قهوة وأتاي وحلوى: 10.000 درهم – كراسي انتظار في الظل: 5000 درهم، المجموع أقل من 20.000 درهم. يعني أقل من تعويض يوم واحد لعضو واحد في المجلس. واش الصحافيون ما يستاهلوش؟
المجلس اللي كيهضر ليل ونهار على أخلاقيات المهنة و كرامة الصحافي ما قدرش يوفر ليه كرامة الاستقبال فنهار التصويت ديالو. هادي ماشي قلة إمكانيات. هادي قلة اعتبار. الصحافي بالنسبة ليهم مجرد رقم فاللائحة كيجي يصوت ويمشي. ماشي فاعل أساسي فالمؤسسة.
هاد النهار كان خاصو يكون عرس ديمقراطي، حفل استقبال، اعتراف متبادل. عيد. لكن اليوم، تحول إلى عقاب جماعي وطابور إذلال.
شارك المقال
Leave a Reply